Skip to content
6 Հոկտեմբերի, 2016 / armhels

Արթիկի թիվ 4 հիմնական դպրոցը զրկված է տարրական պայմաններից

Լուսանկարներում Արթիկի թիվ 4 հիմնական դպրոցն է: Այս պայմաններում են սովորում և այսպիսի սանհանգույցից օգտվում երեխաները:

29 Սեպտեմբերի, 2016 / armhels

Պտղունքում աշակերտները հերթական ձմեռը կանցկացնեն կիսախարխուլ շենքում

Արմավիրի մարզի Պտղունք գյուղում աշակերտները կրկին պատրաստվում են ձմեռը անցկացնել կիսաքանդ շենքում: Պտղունքի գյուղապետ Կարապետ Արթենյանը NEWS.am-ի հետ զրույցում ասաց, որ նոր մասնաշենքի շինարարության մասին արդեն երկար ժամանակ է՝ չի խոսվում:

«Չգիտենք՝ ոնց պետք է լինի, անմարդկային պայմաններ են, մի քիչ էլ որ ցուրտ եղավ, երեխեքի կեսը չեն գալիս դպրոց»,- ասաց Կարապետ Արթենյանը:

Հիշեցնենք, որ գյուղի դպրոցի շինարարության՝ արդեն պատրաստի նախագիծը չեղյալ էր համարվել, նոր դպրոց ունենալու հարցն անորոշ վիճակում է:

Նշենք, որ դպրոցը կիսախարխուլ վիճակում է: Արդեն երկար տարիներ է՝ դպրոցի նոր շենքի շինարարությունը ձգձգվում է:

Աղբյուրը` News.am

28 Սեպտեմբերի, 2016 / armhels

Դասադուլ Վարդենիսի վթարային դպրոցում

Արագածոտնի մարզի Վարդենիս գյուղի դպրոցականները դասադուլ են հայտարարել, քանի որ չեն ցանկանում դասի գնալ 4-րդ կարգի վթարային շենքում, իսկ նոր դպրոցը, որի հիմքերը փորել են 2012 թ.ից, դեռ վերջնական կառուցված չէ:

Մարզպետարանի ներկայացուցիչները, ովքեր այսօր դպրոցում էին, հավաստիացրեցին, որ մինչև հոկտեմբերի 10-ը նոր դպրոցի շինարարությունը կավարտվի:

Հիշեցնենք, որ դեռևս 2011-ին կառավարությունը հաստատել էր 430,7 մլն դրամ արժեքով Վարդենիսի դպրոցի կառուցման աշխատանքների ձեռքբերման մրցույթների արդյունքները: Մրցույթը հաղթել էր ՀՀ Ազգային ժողովի պատգամավոր Արագած Ախոյանի «Սպիտակ կամար» ընկերությունը: Վարդենիսցի դպրոցականները կշարունակեն դասադուլ անել, մինչև
խոստացված ժամկետում նոր դպրոցի շինարարությունն ավարտվի:

Աղբյուրը` hetq.am

27 Սեպտեմբերի, 2016 / armhels

Մարզերում ֆիզիկական կուլտուրա առարկայի դրվածքը հիմնականում վատ է

Արագածոտնի մարզի գյուղական այն համայնքերում, որտեղ այցելեցինք՝ ծանոթանալու հանրակրթական դպրոցներում ֆիզկուլտուրայի դահլիճների վիճակին, գույքային ապահովության մակարդակին և առկա մյուս խնդիրներին` ընդհանուր պատկերը հիմնականում նույնն էր, ինչ հանրապետության մյուս մարզերում: Ափնայի դպրոցի դահլիճը սեփական ուժերով մասնակի վերանորոգված է, սակայն դահլիճը հեռու է բավարար համարվելուց:
Այն վերջնական տեսքի բերելու և մարզագույքով ապահովելու կարիք ունի: Շենավանի դպրոցի դահլիճի շենքային պայմանները համեմատաբար ավելի լավ են, բայց այստեղ էլ գույքի անհրաժեշտություն կա: Նույն վիճակն է նաև Վարդենուտի դպրոցում: Իսկ ահա Արտաշավանի դպրոցի մարզադահլիճը ավերակ է հիշեցնում: Խնդիրների թվարկումը շարունակելու անհրաժեշտություն չկա, քանի որ, ինչպես ասացինք, պատկերը նույնն է: Ավելացնենք միայն, որ մեր եղած գյուղական դպրոցներում մարզադահլիճները հիմնականում չեն ջեռուցվում եւ ստացվում է, որ տարվա մեծ մասը դրանք պարապության են մատնված: Դպրոցների տնօրենները եւ ֆիզկուլտուրայի ուսուցիչները փաստեցին, որ առանց այդ էլ սառը կլիմայական պայմաններ ունեցող տարածաշրջանում ձմռան ամիսներին ցրտի պատճառով ֆիզկուլտուրայի դահլիճներում դասեր չեն անցկացվում. դրանք փոխարինվում են շախմատով: Իսկ եթե արձանագրենք նաեւ այն, որ ամռան ամիսներին էլ դպրոցներում արձակուրդ է, ստացվում է, որ դպրոցական դահլիճները լավագույն դեպքում աշակերտներին ծառայել կարող են սեպտեմբեր-նոյեմբեր եւ մարտ-մայիս ամիսներին, այն էլ, եթե տնօրենները եւ ֆիզկուլտուրայի ուսուցիչները գիտակցեն ու պատշաճ կարեւորություն տան աճող սերնդի առողջության պահպանման ու ամրապնդման ռազմավարական նշանակություն ունեցող խնդրին:

Աղբյուրը` aravot.am

 

 

28 Օգոստոսի, 2016 / armhels

Աշտարակում Վարդգես Պետրոսյանի անվան դպրոցը ծայրահեղ անմխիթար վիճակում է. մանկավարժական կոլեկտիվը դիմում է կրթության նախարարին

Աշտարակ քաղաքի Վ.Պետրոսյանի անվան հիմնական դպրոցի մանկավարժական կոլեկտիվը բաց նամակ է ուղղել ՀՀ Կրթության և գիտության նախարար Լևոն  Մկրտչյանին:

Նամակում նշված է, որ դպրոցի մարզադահլիճը, նիստերի դահլիճը և ճաշարանը վթարային լինելու պատճառով ապամոնտաժվել են:

«Արագածոտնի մարզի «Աշտարակ քաղաքի Վ.Պետրոսյանի անվան հիմնական դպրոց» ՊՈԱԿ-ը հիմնադրվել է 1989 թ-ին՝ 1962թ. կառուցված շենքում: 1990 թվականին դպրոցի մարզադահլիճը, նիստերի դահլիճը և ճաշարանը վթարային լինելու պատճառով ապամոնտաժվել են: Երկհարկանի մասնաշենքը մինչև 1997թ. բնակեցված է եղել փախստականներով. հիմա անմխիթար վիճակում է, հիմնանորոգման խիստ կարիք ունի և չի օգտագործվում:

Դասապրոցեսը կազմակերպվում է եռահարկ մասնաշենքում, որը նույնպես գտնվում է ծայրահեղ անմխիթար վիճակում և կարիք ունի հիմնանորոգման: Այն Աշտարակի խիտ բնակեցված մի շարք թաղամասերի միակ հիմնական դպրոցն է: 2016-2017 ուստարում դպրոցում կա շուրջ 600 աշակերտ, և փաստորեն ուսումնական գործընթացը հնարավոր չէ կազմակերպել:

Խնդիրը առկա է վաղուց. տարիներ շարունակ դիմել ենք պատկան մարմիններին, սակայն լուծում չի տրվել: Դպրոցը իր սուղ միջոցներով կազմակերպել է ուսումնական գործնթացը: Մասնավորապես 2015-2016 ուստարում դասապրոցեսը կազմակերպելու համար դասասենյակներ են դարձվել դպրոցի կաթսայատունը, գրադարանը, փոքրիկ դահլիճը, շախմատի և ձեռարվեստի սենյակները: Այս ուսումնական տարում ավելացած 60 աշակերտների համար օգտագործվելու է ուսուցչանոցը, որը փաստորեն բավարար չէ ուսումնական գործընթացը պատշաճ կազմակերպելու համար:

Հարգելի պարոն նախարար, խնդիրը հրատապ է (շահառուների թիվը գերազանցում է երեք հազարը) և պահանջում է անհապաղ լուծում. ակնկալում ենք Ձեր անմիջական միջնորդությունը հարցի համակողմանի ուսումնասիրման և լուծում տալու գործում»,-ասված է ԿԳ նախարարին ուղղված նամակում:

Աղբյուրը` aysor.am

17 Ապրիլի, 2013 / armhels

Դպրոցները լուսանկարներում

2 Ապրիլի, 2013 / armhels

Վերիշենի միջնակարգ դպրոց

ՀՀ Սյունիքի մարզի Վերիշեն համայնքը մարզկենտրոնից գտնվում է 68 կմ, Գորիս քաղաքից` 3 կմ հեռավորության վրա: Ունի 2314 բնակիչ:

Վերիշենի միջնակարգ դպրոցում սովորում է 289 աշակերտ:

1976թ.-ին շահագործման հանձնվելուց հետո դպրոցում հիմնանորոգում չի իրականացվել, կատարվել են առանձին վերանորոգումներ:

Դպրոցի խնդիրները

Անձրևային եղանակներին դպրոցի  հիմքերն անձրևաջրերով են լցվում ջրատարներ չլինելու պատճառով:

Ինչպես աջակցել դպրոցին

Բանկային տվյալներ

«Արդշինինվեստբանկ» ՓԲԸ, «Գորիսի» մասնաճյուղ

Բանկային հաշվի համար՝  2475700093210000

Կոնտակտային տվյալներ

Տնօրեն՝  Մատվեյ Ղազարյան

Հեռ.` (+374 94) 94 88 68

(+374 284) 2 74 85

Էլ. փոստ`  gorisverishen@mail.ru

Հասցե` ՀՀ Սյունիքի մարզ, գ. Վերիշեն

4 Մարտի, 2013 / armhels

Արծվաբերդի Բ. Աղաբաբյանի անվան միջնակարգ դպրոց

Տավուշի մարզի Արծվաբերդ համայնքը մարզկենտրոնից գտնվում է 86 կմ, Բերդից` 8 կմ հեռավորության վրա: ՀՀ պետական սահմանից հեռու է 8 կմ: Ունի 3228 բնակիչ:

Արծվաբերդի Բ. Աղաբաբյանի անվան միջնակարգ դպրոցը հիմնադրվել է 1968թ.-ին, վերջին վերանորոգումը կատարվել է 2003թ.-ին: Դպրոցում սովորում է 335 աշակերտ:

Դպրոցի խնդիրները

Պատուհանների և դռների փոխում

Ջեռուցման կենտրոնացված համակարգ

Արհեստանոցի մասնաշենքի հիմնանորոգում

Մարզադահլիճի վերանորոգում

Ինչպես աջակցել դպրոցին

Բանկային տվյալներ

«Արդշինինվեստբանկ» ՓԲԸ

Բանկային հաշվի համար՝  07806023

Կոնտակտային տվյալներ

Տնօրեն՝ Արտաշես Մխիթարյան

Հեռ.` (+374 94) 10-70-66

Էլ. փոստ` artsvaberd_mijn.dp@mail.ru

Հասցե` Տավուշի մարզ, գ. Արծվաբերդ, փող 13, շենք 12

30 Հունվարի, 2013 / armhels

Գավառ քաղաքի Ս. Քոչարյանցի անվան թիվ 1 հիմնական դպրոց

Գավառ քաղաքի Ս. Քոչարյանցի անվան թիվ 1 հիմնական դպրոցում սովորում է 330 շակերտ: Վերջին վերանորոգումը կատարվել է 2005թ.-ին, իրականացվել է 3-րդ հարկի դասասենյակների կոսմետիկ վերանորոգում, փոխվել են պատուհանները, վերանորոգվել է տանիքը:

Ինչպես աջակցել դպրոցին

Բանկային տվյալներ

«ԱԿԲԱ-ԿՐԵԴՒՏ Ագրիկոլ Բանկ» ՓԲԸ «Գեղարքունիքի մ/ճ»

Բանկային հաշվի համար՝ 220085140279000

Կոնտակտային տվալներ

Տնօրեն՝  Մանուշ Խունոյան

Հեռ.`  (+374 93) 38 84 66

Էլ. փոստ` gavar1@schools.am

Հասցե՝ ՀՀ Գեղարքունիքի մարզ ք. Գավառ Դեմիրճյան 32

24 Հունվարի, 2013 / armhels

Վաղատինի միջնակարգ դպրոց

Սյունիքի մարզի Վաղատին գյուղը մարզկենտրոնից հեռու է 118 կմ, Սիսիան քաղաքից՝ 14 կմ, բնակչությունը` 631:

Վաղատինի միջնակարգ դպրոցի շենքը կառուցվել է 1962թ.-ին: Դպրոցում սովորում է 73 աշակերտ: Վերջին վերանորոգումը դպրոցում կատարվել է 2001թ.-ին, որի ընթացքում վերանրոգվել է տանիքը:

Դպրոցի խնդիրները

Սանհանգույց —  6մլն. դրամ
Պատուհան    — 100 հատ
Պատուհանագոգ – 100 հատ
Դուռ – 50 հատ

Ինչպես աջակցել դպրոցին

Բանկային տվյալներ

«Արդշինինվեստբանկ» ՓԲԸ, «Սիսիան» մասնաճյուղ

Բանկային հաշվի համար` 2471500877960020

Կոնտակտային տվյալներ

Տնօրեն՝ Սևադա Գրիգորյան

Հեռ.`  (+374 93) 01 29 81

Էլ. փոստ` vaghatin@mail.ru

Հասցե` ՀՀ Սյունիքի մարզ, գ. Վաղատին

Ավելին …